Gweddïau ar gyfer Plant ac Ieuenctid 13-19 Medi 2026

Ewch gyda Duw

Exodus 14:19-31

Gweddi ymgynnull
Agor ein calonnau a’n meddyliau i ddeall beth yr wyt ti
eisiau ei ddysgu i ni heddiw, O Dduw.
Amen.

Gweddi gerdded
Rhowch belen o glai (play dough) glas wedi ei wastatáu i bawb. Gofynnwch iddynt gerdded eu bysedd drosto wrth i chi weddïo:

Diolch i ti, Dduw,
dy fod di gyda ni ble bynnag yr awn.
Amen.

Gweddi o fawl a diolchgarwch
Sefydlwch rhythm o ‘clap clap (saib ar gyfer gair)’ a gwahoddwch bawb i alw allan eiriau i foli Duw (fel ‘nerthol’, ‘rhyfeddol’, ‘cryf’, ayb) yn y saib. Does dim gwahaniaeth os bydd dau o bobl yn siarad yr un pryd. Mae hyn i fod yn orfoleddus.

Gweddi am faddeuant
Darparwch wydraid clir o ddŵr a thabled fitamin C glir/gwyn doddadwy. Gwahoddwch bawb i feddwl am rywbeth y maent eisiau dweud bod yn ddrwg ganddynt amdano. Atgoffwch hwy fod Duw yn golchi ymaith ein pechodau pan fyddwn yn gofyn am faddeuant. Yna rhowch y dabled yn y dŵr a’i gwylio yn toddi.

Gweddi dros eraill
Defnyddiwch yr un rhythm clapio ag a ddefnyddiwyd ar gyfer Gweddi o fawl a diolchgarwch, ond y tro hwn gwahoddwch bawb i alw allan enwau pobl, lleoedd neu sefyllfaoedd y mae arnynt eisiau gweddïo drostynt.

Gweddi i gloi
Boed i angylion Duw ofalu amdanom yr wythnos hon,
yn union fel y bu iddynt gadw pobl Israel yn ddiogel
pan oeddent yn croesi’r môr.
Amen.