Gweddïau ar gyfer Plant ac Ieuenctid 26 Ebrill – 2 Mai 2020

Amser datgelu

Luc 24.13-35

Gweddi ymgynnull

Iesu o Nasareth,
rydym i gyd wedi teithio yma ar hyd ffyrdd gwahanol,
ond rydym i gyd yn dod i wrando ar dy stori
ac i ddeall
sut mae ein storïau a’n teithiau
yn ffitio gyda’th rai di.
Cerdda a siarada gyda ni, Arglwydd Iesu.
Mae gennym i gyd ein storïau ein hunain i’w hadrodd.
Amen.

Gweddi o ddiolch

Dduw ein Creawdwr,
cawn ein cyfareddu gan stori Iesu,
yn mynd yn ôl yr holl ffordd
i ddechrau amser,
yn arwain yr holl ffordd i’r groes
ac yn parhau gyd heddiw.
Diolch i ti am ddangos digon o ofal amdanom
i’n gwneud yn rhan o’r stori hon.
Amen.

Gweddi am faddeuant

Ysbryd Glân, ein harweinydd,
mae’n ddrwg gennym pan fyddwn yn camddeall
am nad ydym wedi gwrando’n iawn;
mae’n ddrwg gennym fod yn ddiamynedd
pan fyddi heb orffen siarad.
Dangos y ffordd i ni glywed ac aros.
Amen.

Gweddi dros eraill

Llinell ymateb: Agor eu llygaid.

Dduw hollalluog,
gweddïwn dros bobl
nad ydynt yn d’adnabod pan fyddant yn dy weld:
Agor eu llygaid.
Gweddïwn dros bobl
sydd wedi darllen y Beibl,
ond heb ddeall...
Gweddïwn dros bobl
sydd heb glywed dy stori di hyd yma...
Amen.

Gweddi i gloi
Arglwydd Iesu,
llanw ni â chyffro ynglŷn â’th stori di,
fel y byddwn wrth fynd allan
eisiau dweud popeth amdanat ti wrth ein ffrindiau.
Amen.